Туркия статистика институти (Туркстат) маълумотларига кўра, июль ойида Туркияда истеъмол нархлари йиллик ҳисобда 79,6 фоизга ошган.
Июль ойида инфляция 1998 йил сентябридан бери энг юқори даражага етди. Таҳлилчилар нархлар ошиши 79,8 фоизга етишини прогноз қилмоқда.
Июнь ойида йиллик инфляция 78,6 фоизни ташкил этган эди. Инфляциянинг тезлашиши кетма-кет 14 ой давомида кузатилмоқда.
Июль ойида транспорт хизматлари нархи 2,2 баробар (+119,1 фоиз), энергия нархи эса 2,3 баробар (+129,3 фоиз) ошди.
Озиқ-овқат ва ичимликлар 94,65 фоизга қарийб икки баробар, уй-жой ва коммунал хизматлар нархи 70 фоизга, мебель ва маиший техника 88,4 фоизга қимматлашди.
Чоршанба кунги кимошди савдосида турк лираси АҚШ долларига нисбатан бир доллар учун 17,95 лирадан сотилмоқда.
Мавзуга доир:
Изоҳ (0)