Мутахассисларнинг огоҳлантиришича, кейинги йилларда кучли рақобат сабаб Осиёда суюлтирилган газ (LNG)нинг ёзги нархлари сўнгги йилларда қарийб 10 баробар ошди. Бу ҳақда «ТАСС» хабар бермоқда.
Қишда LNG’га талаб энг юқори даражага кўтарилади, шунинг учун нархлар ёзда тушади. 2019 йилгача Осиё спот бозоридаги ўртача ёзги нархлар 1 млн BTU (Британия термал бирлиги) учун тахминан 5 долларни ташкил этган.
Япония нефть, газ ва металлар миллий корпорацияси маълумотларига кўра, 27 июль куни 1 млн BTU 52 долларгача кўтарилди.
Россиядан етказиб беришнинг қисқариши фонида Европада газ нархи кўтарилиб бормоқда. Уни АҚШ ва бошқа мамлакатлардан сотиб олаётган осиёлик LNG импортчилари рақобатбардошликни сақлаб қолиш учун харид нархларини оширишга мажбур бўлмоқда.
Бу катта валюта захираларига эга бўлмаган ривожланаётган мамлакатлар учун жуда муҳимдир. Шу муносабат билан Покистон, Бангладеш ва бошқа мамлакатлар, жумладан, Ҳиндистон томонидан харидларнинг камайиши кузатилмоқда.
Япониянинг пост-нефть стратегияси институти таҳлилчиси ва асосчиси Нориаки Обага кўра, энг йирик LNG етказиб берувчилардан бири — АҚШ ва Австралия тегишли қарорларга қарамай, ишлаб чиқариш ҳажмини ошира олмайди.
АҚШда 8 июнь куни Freeport LNG терминалида портлаш юз берди, бу мамлакат LNG экспортининг 17 фоизини ташкил қилади, шунинг учун экспорт имкониятлари камаяди.
Экспертнинг фикрича, Австралия ички бозорида электр энергияси танқислиги кузатилмоқда. Бунга сабаб қилиб эскирган кўмир электр станциялари кўрсатилмоқда.
Таҳлилчиларга кўра, келажакда газ билан ишлайдиган электр станцияларини кўпайтириш керак.
Энергия тақчиллиги фонида Австралиянинг рақобат ва истеъмолчилар комиссияси 1 август куни маҳаллий газ ишлаб чиқарувчилар ва экспорт қилувчи компанияларни LNG’нинг бир қисмини халқаро бозордан ички бозорга йўналтиришга чақирди.
Аввалроқ Европада газ нархи бир кун ичида 400 долларга ошгани ҳақида хабар берилганди.
Изоҳ (0)