Банан ва апельсин арзонлади, киви ва лимон қимматлади. Ўзбекистон бозорларида июль ойида нархлар қандай бўлди?

Ўзбекистонда 1—24 июль кунлари бозорларда қишлоқ хўжалиги ва гўшт маҳсулотларининг улгуржи нархлари ҳақида маълумот берилди.

Ушбу давр мобайнида қуйидаги маҳсулотлар нархи арзонлаган: 

• булғор қалампири (қизил) — 11 250 сўмга; 
• банан 5 минг сўмга; 
• апельсин 4 минг сўмга; 
• мандарин ва олма 2 500 сўмга; 
• бақлажон 400 сўмга; 
• картошка (янги ҳосил), сабзи (сариқ, қизил), тарвуз 250 сўмга; 
• картошка (импорт) 100 сўмга.

Шу билан бирга: 

• киви 13 500 сўмга; 
• лимон 10 000 сўмга; 
• мош 3 000 сўмга; 
• турп 2 750 сўмга; 
• помидор (пушти), нок (импорт), ловия 2 500 сўмга; 
• гуруч (аланга) 1 500 сўмга; 
• помидор (қизил) 1 250 сўмга; 
• саримсоқ пиёз, лавлаги, гуруч (лазер) 1 000 сўмга; 
• пиёз 850 сўмга; 
• бодринг 500 сўмга қимматлаган. 

Июль ойида умумий қиймати 99 млн долларлик (ўтган йилнинг мос даврига нисбатан 23 млн АҚШ доллари кўп) жами 147 минг тонна (22 минг тонна кўп) қишлоқ хўжалиги маҳсулотлари экспорти амалга оширилди.

Мазкур даврда: 

• 19,9 минг тонна олхўри; 
• 17,5 минг тонна қовун; 
• 13,8 минг тонна узум; 
• 12,4 минг тонна тарвуз; 
• 8 минг тонна пиёз; 
• 4,7 минг тонна сабзи; 
• 4,3 минг тонна олма; 
• 3,7 минг тонна мош; 
• 2,7 минг тонна шафтоли; 
• 2,5 минг тонна қуритилган мева ташқи бозорларга етказиб берилган.

Шунингдек, ушбу давр мобайнида 8 млн доллар (ўтган йилнинг мос даврига нисбатан 3,8 млн АҚШ доллари кўп) қийматидаги жами 12,8 минг тонна (41 тонна кўп) қишлоқ хўжалиги маҳсулотлари импорт қилинган. 

Булар орасида 3,9 минг тонна банан, 3,5 минг тонна картошка, 371 тонна апельсин, 184 тонна олма, 87 тонна лимон бор.

Қўйлиқ бозорига июлда ҳудудлардан жами 29,7 минг тонна, хусусан, 10,4 минг тонна картошка, 13,2 минг тонна пиёз, 1,1 минг тонна карам ва 5 минг тонна сабзи келтирилган. 

Шу билан бирга, ҳудудлардан Чорсу деҳқон бозорига ўтган ой жами 320 тонна, шу жумладан, 271 тонна мол гўшти ва 49 тонна қўй гўшти келтириб сотилган.