Тўғридан-тўғри хорижий инвестициялар (ТТХИ) оқими Марказий Осиё мамлакатларининг иқтисодий ўсишига қандай таъсир қилишини аниқланди. Бу жараёнда ПМТИ мутахассислари тадқиқот ўтказди.
Тадқиқот натижаларига кўра, тўғридан-тўғри хорижий инвестициялар оқимининг 1 фоизга ўсиши Марказий Осиё мамлакатларидаги иқтисодий ўсишнинг 0,16 фоиз ўзгаришига олиб келади.
ТТХИ оқимига, ўз навбатида, ички бозор ҳажми, савдонинг очиқлиги, табиий ресурслар рентабеллиги, инфратузилмалар сифати ва инсон капитали каби омиллар таъсир этади.
Бунда ички бозор ҳажми ТТХИ оқимига сезиларли ва ижобий таъсир қилувчи асосий омил деб баҳоланди. Жумладан, бозор ҳажмининг 1 фоизга ўсиши ТТХИ оқимининг 1,2 фоизга ўсишига олиб келиши аниқланди.
Инфратузилмалар сифати ва инсон капиталининг 1 фоизга яхшиланиши ТТХИ оқимининг мос равишда 0,15 ва 0,51 фоизга ўсишига олиб келади.
Савдонинг очиқлиги ва табиий ресурсларнинг рентабеллиги ҳам ТТХИга ижобий таъсир қилади, аммо таъсир кўлами жуда паст бўлади.
Изоҳ (0)