Бугун,

  • USD 11095.31
  • RUB 173.84
  • EUR 10772.44

Ўзбекистонда кўчмас мулк бозорида савдо ҳажми 6 фоизга ўсди. Бу ҳақда Иқтисодий тадқиқотлар ва ислоҳотлар маркази «Дарё»га маълум қилди.

Таҳлил натижаларига кўра, Ўзбекистонда 2022 йилнинг биринчи ярмида 126 минг дона кўчмас мулк олди-сотди шартномалари расмийлаштирилди, бу 2021 йилнинг ушбу даврига (119 минг) нисбатан 6 фоизга кўп.

Кўчмас мулк олди-сотдиси бўйича расмийлаштирилган шартномалар сони ўзгариши

Кўчмас мулк олди-сотдиси бўйича расмийлаштирилган шартномалар сони ўзгариши
Фото: Иқтисодий тадқиқотлар ва ислоҳотлар маркази

Ҳудудлар кесимида жорий йилнинг 6 ойи давомида энг юқори ўсиш суръатлари қуйидаги вилоятларда кузатилди: 

  • Хоразм — 24 фоиз; 
  • Бухоро — 22 фоиз; 
  • Сурхондарё — 16 фоиз; 
  • Жиззах — 13 фоиз; 
  • Наманган — 13 фоиз; 
  • Қашқадарё — 12 фоиз; 
  • Фарғона — 11 фоиз. 
Шу билан бирга, кўчмас мулк бозоридаги олди-сотди шартномалар сонининг камайиши Тошкент вилоятида (-7 фоиз) қайд этилди, Сирдарё вилоятида (-1 фоиз) фаолликнинг бирмунча пасайиши кузатилди.

Пойтахтда 2022 йилнинг ярмида кўчмас мулкни сотиб олиш ва сотиш бўйича тузилган шартномалар сони бироз ошди (+1 фоиз) ва 37,446 тани ташкил этди.

Ўтган йилнинг мос даврида кўчмас мулк олди-сотдисининг 21 фоизи ипотека кредитлари орқали молиялаштирилган.

Жорий йилда ушбу кўрсаткич 28 фоиздан ошди. Шу билан бирга бирламчи бозорда 45 мингга яқин янги уй-жойлар қуриб топширилган. Ўсиш кўрсаткичи — 32 фоиз.

Изоҳ
Асосий янгиликлар
Маҳаллий
Шавкат Мирзиёев Ўзбекистон халқини Наврўз байрами билан табриклади
Маҳаллий
Қамчиқ довонида нефть маҳсулоти ортилган махсус юк машинаси ағдарилиб кетди
Маҳаллий
Ўзбекистонда 22 март куни қандай об-ҳаво бўлиши маълум қилинди