Бугун,

  • USD 11095.31
  • RUB 173.84
  • EUR 10772.44

Европадаги газ инқирози кучайиб бормоқда, қишки ёнилғи сақлаш омборлари тез орада бўш қолиши мумкин. Бу ҳақда Bank of America тадқиқотига таяниб Business Insider хабар берди.

Фото: Bloomberg

Фото: Bloomberg

Сўнгги бир ой ичида Европадаги газ билан боғлиқ вазият «ёмон» сценарийдан «даҳшатли» сценарийга тезлик билан ўтди, — дейилади ҳисоботда.

Таҳлилчиларнинг таъкидлашича, Россия Европага энергия ресурслари етказиб берувчи энг йирик давлат бўлиб, у ерда истеъмол қилинадиган газнинг 40 фоизини ташкил қилади. 

Россиядан етказиб беришнинг қисқариши туфайли Ғарб давлатлари, хусусан, Германия ва Франция қиш ойлари арафасида ёнилғи етказиб беришни таъминлаш мақсадида газдан фойдаланишни чеклашга мажбур бўлди. 

Германиянинг айрим шаҳарларида тарихий обидалар ва биноларнинг ёритилиши ўчирилган, деб эслатади Business Insider.

Bank of America таъкидлашича, Россия ва Европа ўртасидаги кескинлик энергия бозорига таъсир кўрсатган. Газ нархи МВт/соат учун 200 еврога (204 доллар) етган. 

«Шимолий оқим» ўз қувватининг атиги 20 фоизидан фойдаланаётганини инобатга олсак, қишки давр учун омборлардаги газ захиралари етарли бўлмаслиги мумкин ва бу шароитда Европа Иттифоқи газ истеъмолига кенг қамровли чекловлар жорий этишни режалаштирмоқда, — дейилади ҳисоботда.

27 июлдан бошлаб «Шимолий оқим» иккита газ турбинаси ёпилиши сабабли максимал қувватининг тахминан 20 фоизида фойдаланилмоқда. Улардан бири — Канадада Siemens Energy томонидан ишлаб чиқарилган ва таъмирлаш учун Монреалга юборилган. 

Оттаванинг Москвага қарши санкциялари туфайли ишлаб чиқарувчи дастлаб таъмирланган ускунани Германияга қайтаришдан бош тортди, бироқ Германия ҳукуматининг кўплаб сўровларидан сўнг қайтаришга қарор қилди.

25 июль куни «Газпром» капитал таъмирлашгача бўлган вақт тугаганлиги сабабли Портовая компрессор станциясида яна бир газ турбинали двигателни мажбурий тўхтатишни эълон қилди. Ҳозирда фақат битта турбина иш ҳолатида қолган.

Аввалроқ Европада энергия нархи рекорд даражага етгани ҳақида хабар берилган эди.

Изоҳ
Асосий янгиликлар
Дунё
Генерал Пётр Павел Чехиянинг янги президенти этиб сайланди
Дунё
Америкадаги рус мафияси бошлиғига айланиб, Россияда ўлим топган “қонундаги ўғри” — “Япончик”. Кун хронологиясида 29 январь
Маҳаллий
“Ўтган йил давомида ички ишлар ходимлари билан боғлиқ 644 та салбий видео тарқалган” — Шоҳрух Ғиёсов