Газ муаммоси сабаб Европа қийин вазиятда, бироқ Россияда аҳвол бундан ҳам ёмонроқ

Россия Украинада уруш бошлаганидан сўнг Европага табиий газ экспортини секинлаштирди. Йeл университети таҳлили шуни кўрсатдики, бу ҳаракат Европадан кўра Россияга кўпроқ зарар етказади.

Россия шарқдаги мижозларга хом ашё етказиб бераётган бо‘лса ҳам, Хитой ва Ҳиндистон каби давлатлар уни катта чегирмалар билан харид қилмоқда.

Россия-Украина урушининг жаҳон хом ашё нархларига салбий таъсиридан фарқли ўлароқ Россияда импортнинг аҳамияти мамлакатнинг бутун дунёга товар экспорти аҳамиятидан анча юқори, — деб ёзилади таҳлилда.

40 фоиз газга бўлган эҳтиёжи Россияга қарам бўлган Европа ҳукуматлари қишки энергетика инқирозидан хавотирда, чунки Россия санкциялар билан боғлиқ муаммоларни келтириб, қитъага табиий газ оқимини қисқартирган.

Шунга қарамай, табиий газ таъминоти занжирларини ўзгартириш орқали энг кўп зарар кўрадиган мамлакат Россия иқтисодиёти эканлиги таъкидланмоқда.

Бунга Европа Иттифоқи Россиядан деярли барча турдаги нефть импортини жорий йил охиригача тўхтатиб, август ойининг ўрталаридан бошлаб кўмир импортини қисқартирмоқчилиги асос бўлмоқда.

Европа давлатлари, жумладан, Германия ва Италия ҳам Россия газидан воз кечиш устида ишламоқда.

Россиянинг экспорт даромадлари асосан товарлардан олинади.

Ушбу экспорт тушумлари кўп йиллар давомида мамлакат давлат бюджетининг ярмидан кўпроғини ташкил қилган, — дейилади таҳлилда.

Европага экспорт ҳажмининг камайганидан сўнг Россия ҳукумати мамлакатнинг бошқа бозорларга, масалан, Осиёга чегирмали нархлардаги энергия экспорти билан шуғулланмоқда.

Бу давлатлар илгари санкцияга учраган партиядан фойдаланишга уялмаган, Хитой Эрон ва Венесуэла каби давлатлар билан мунтазам равишда нефть шартномаларини катта чегирма билан амалга ошираётгани маълум, — дея қўшимча қилган муаллифлар.

Украинада уруш бошланганидан бери Россиянинг флагман Urals хом ашёси нархи сезиларли даражада пасайди.

Россия Молия вазирлиги ва Қитъалараро биржа маълумотларига кўра, Urals нефти январь—февраль ойларида халқаро Brent нефтига нисбатан 1,50 долларга баҳоланган, аммо кейин Brent’га нисбатан 25,80 долларга арзонлашди.

Йeл жамоаси Россиянинг товар экспортчиси сифатидаги стратегик мавқейи қайтариб бўлмас даражада ёмонлашганини қўшимча қилди.

Аввалроқ Европада энергия нархи рекорд даражага етгани ҳақида хабар берилганди.