Ўзбекистон ва Ҳиндистон ўртасида агромаҳсулотлар савдоси ҳажми ва ассортименти кенгайтирилмоқда. Бу ҳақда EastFruit хабар бермоқда.
Ўзбекистон Ҳиндистондан 6 турдаги товарлар, хусусан, банан, манго, соя ва гуруч импортига фитосанитария рухсатномаларини берди.
Ҳиндистон ҳукумати Ўзбекистонда етиштирилган узум, олхўри ва гилос маҳсулотлари импортига рухсат беришга қарор қилди.
Шунингдек, Ҳиндистон томони Ўзбекистондан анор, олма, хурмо, чили қалампири, помидор, бодом, тарвуз каби бир неча турдаги мева-сабзавот маҳсулотларига ҳам рухсатнома бериш имкониятини кўриб чиқмоқда.
Аввалроқ Ўзбекистонда иссиқ ҳаво туфайли рекорд даражадаги олма ҳосили хавф остидалиги ҳақида хабар берилганди.
Изоҳ (0)