Россия Халқаро космик станцияда (ХКС) 2028 йилгача, яъни орбитадаги ўз станцияси тайёр бўлгунга қадар қолишни режалаштирган. Бу ҳақда АҚШ космик агентлигидаги ишончли манбага таяниб, Reuters хабар бермоқда.
NASA расмийларининг қўшимча қилишича, уларнинг «Роскосмос» билан муносабатлари «одатдагидек» бўлиб қолмоқда. Маълумот учун, АҚШ ва Россия коинот соҳасида йигирма йилдан ортиқ ҳамкорлик қилиб келади.
26 июль куни «Роскосмос»нинг янги раҳбари Юрий Борисов Владимир Путин билан суҳбатда Россия ХКСни 2024 йилдан кейин тарк этишни режалаштираётгани ҳақидаги маълумотларни тасдиқлади. Унинг аниқлик киритишича, бу вақтга келиб Россия миллий орбитал станциясини тайёр ҳолга келтиради.
Шунингдек, 26 июль куни «Роскосмос» веб-сайтида РКК (Россия Қизил Хоч жамияти) ва «Энергия» бош дизайнери Владимир Соловьёв билан ўтказилган интервью эълон қилинди, унда Соловьёв «Агар миллий орбитал хизмат кўрсатиш станцияси қурилиши тўғрисидаги қарор 2022 йил охиригача қабул қилинса, қурилишнинг биринчи босқичи 2028 йилда бошланади», – деди.
Изоҳ (0)