Япония ҳукумати Россия бўлажак «Восток-2022» ҳарбий машғулотлари зонасидан Курил оролларининг жанубий қисмини чиқариб ташлаши зарур, деб ҳисобламоқда. Бу ҳақда Ғарб ОАВлари Япония вазирлар маҳкамаси бош котиби ўринбосари Ёсихико Исодзаки маълумотларига асосланиб хабар берди.
Япония расмийсининг таъкидлашича, Токио ушбу ороллар ҳудудида машғулотлар ўтказилиши эҳтимолини қабул қила олмайди ва дипломатик каналлар орқали Москвага норозилик билдиради.
У, шунингдек, Россия ҳарбийларининг Япония атрофида фаоллиги ошганидан хавотир билдирди.
Эслатиб ўтамиз, Россия Мудофаа вазирлиги «Восток-2022» ҳарбий стратегик машғулотлар 30 августдан 5 сентябргача ўтказилишини маълум қилганди. Машғулот вазифалари Шарқий ҳарбий округ полигонларида ишлаб чиқилмоқда.
Япония 1855 йилдаги Савдо ва чегаралар тўғрисидаги рисолага асосланиб, Курил тизимининг тўртта жанубий ороллари — Итуруп, Кунашир, Шикотан ва Хабомайга даъвогарлик қилиб келади. Москванинг позицияси шундан иборатки, Жанубий Курил ороллари Иккинчи жаҳон урушидан кейин СССР таркибига кирган ва Россиянинг улар устидан суверенитети халқаро ҳуқуқий асосга эга.
Изоҳ (0)