Walmart корпорацияси фойда бўйича прогнозларини пасайтирганидан сўнг Уолтонлар оиласининг бойлиги 11,4 млрд доллардан кўпроққа қисқарди. Бу ҳақда Bloomberg хабар бермоқда.
Уолтонлар оиласи томонидан бошқариладиган Walmart чакана савдо тармоғидаги акциялар АҚШ савдоларида даромадлари тахминлардан анча паст бўлганидан кейин 7,6 фоизга тушиб кетди. Кўтарилган инфляция чакана гигантнинг фойда маржасига босим ўтказди.
Фойда маржа — компания умумий даромадидаги фойданинг улуши.
Walmart асосчиси, марҳум Сем Уолтон ўз бизнесини чегирма тамойиллари асосида бошқарган, бу эса ўтмишдаги инқироз даврида компания акцияларини кўпайтиришга ёрдам берган.
Уолтоннинг уч фарзанди, Элис, Жим, Роб, келини Кристи ва унинг ўғли Лукас акцияларнинг деярли ярмига эгалик қилади ва Bloomberg Billionaires Index маълумотларига кўра, уларнинг умумий бойлиги тахминан 285 млрд долларни ташкил қилади.
Маълумотларга кўра, Walmart ва АҚШнинг бошқа чакана гигантлари сўнгги 40 йилдаги энг юқори инфляция шароитида харидорларнинг кийим-кечак ва бошқа товарларни кам сотиб олаётганидан зарар кўрмоқда.
Аввалроқ Walmart асосчиси Сам Уолтоннинг ягона қизи Элис Уолтон дунёнинг энг бой аёллари рейтингида иккинчи ўринда эканлиги ҳақида хабар берилган эди.
Изоҳ (0)