Япония ҳукумати 39 ёшли Томоҳиро Катони қатл қилди — у 2008 йилнинг 8 июнида Токиодаги кўчалардан бирида етти кишини ўлдирган ва ўн кишини яралаган эди.
Като жиноятларни япон оммабоп маданияти, видео ўйинлари ва электроника мухлислари учун дўконлар ва муассасалар жойлашган машҳур Акихабара кварталида содир этган. Аввалига у юк машинасида пиёдаларни уриб кетган, сўнг ўткинчиларга пичоқ билан ҳужум қилган.
2011 йилда Като ўлимга ҳукм қилинган. Ҳукм 2015 йилда Олий суд томонидан тасдиқланган.
Катога нисбатан ҳукмнинг ижро этилиши Япония расмийлари томонидан 2022 йилда амалга оширилган биринчи қатлдир. 2021 йилда мамлакатда уч нафар маҳкум қатл этилганди.
Япония Адлия вазирлиги маълумотларига кўра, 106 нафар маҳкум ўз қатлини кутмоқда. Сўнгги йилларда Японияда қатл этилганларнинг аксарияти бир нечта қотилликларда айбланган.
Мавзуга доир: Мьянмада ҳарбийлар 4 нафар мухолифатчини қатл қилди
Изоҳ (0)