Харьковда Маданият уйи вайроналари, Донбассда ҳужумга учраган мактаб ва турар жойлар. Урушнинг 152-кунидан фоторепортаж
25 июль куни Европа Иттифоқи Украинани қайта тиклаш учун бир ярим миллиард евро ажратди. Украина ҳукумати бир неча кун ичида денгиз орқали ғалла экспорт қилишни бошламоқчилиги ҳақида маълум қилди. Россия ФХХ Украина разведкасининг Россия Ҳарбий-ҳаво кучлари самолётларини ўғирлаш режаси фош этилгани ҳақида гапирди. Херсон вилоятининг россияпараст ҳокимияти рубль фойдасига гривнадан воз кечишини эълон қилди. Россиянинг «Газпром» компанияси 27 июлдан бошлаб «Шимолий оқим 1» қувури орқали Европага газ етказиб беришни икки баравар қисқартиришини маълум қилди. Meduza урушнинг 152-кунига оид асосий фотосуратларини тақдим этади.
Харьков
Харьков вилоятидаги фронт чизиғи яқинида рус аскарларини тасвирловчи фигуралар. 25 июлга ўтар кечаси Россия ҳарбийлари Харьков атрофидаги Чугуев шаҳрини С-300 зенит-ракета мажмуасидан ўққа тутди, деди Харьков вилояти маъмурияти раҳбари Олег СинегубовФото: AP Photo
Қутқарувчилар Чугуевда рус қўшинлари томонидан ўққа тутилиб, вайрон бўлган Маданият уйи вайроналарини тозаламоқда. 25 июль куни эрталаб вилоят ҳокимлиги раҳбари Олег Синегубов бино вайроналари остидан уч киши олиб чиқилгани ҳақида хабар берди. Унинг сўзларига кўра, жами етти киши ертўлада яширинган.Фото: EPA
Чугуевдаги Маданият уйининг киравериш қисми.Фото: Reuters
Бутун қолган театр либослари Маданият уйидан олиб чиқилмоқда.Фото: AFP
Донбасс шимоли
Краматорскдан 30 километр узоқликда жойлашган Константиновка шаҳрида яшовчи аёл отишмада вайрон бўлган мактаб биноси ёнида турибди. 26 июль куни эрталаб Украина Бош штаби Украина Қуролли кучлари Россиянинг Краматорск йўналиши бўйича Спорное қишлоғи ва «Муқаддас тоғлар» миллий табиат боғи ҳудудларидаги ҳужумини қайтаргани ҳақида маълум қилди.Фото: AFP
Баҳмут шаҳрида яшовчи 61 ёшли аёл уйида Россия ўқларидан қолган зарарни кўздан кечирмоқда. 26 июль куни эрталаб Украина Бош штаби Россия ҳарбийлари Берестовое ва Семигоре қишлоқлари ҳудудларидаги жанглардан сўнг Баҳмут йўналишида чекинганини маълум қилди.Фото: Anadolu
Рубижное шаҳри ҳовлиларидан бирида отишма қурбонларининг жасадлари эксгумация қилинмоқда. Етти кишининг жасади топилди, улардан икки нафари 11 ва 12 ёшли болалар. 2 июлга келиб рус қўшинлари Луганск вилоятидаги Лисичанск ва унинг ғарбидаги қишлоқларни тўлиқ босиб олган эди. Оқибатда, бутун Северодонецк — Лисичанск — Рубижное агломерацияси ва умуман Луганск вилояти ҳудуди Россия назорати остига ўтди.Фото: «ТАСС»
Эксгумация қилинган жасадлар дафн этишга олиб кетилмоқда.Фото: «ТАСС»
Краматорскка олиб борадиган йўл бўйлаб танкка қарши тўсиқ ва бетон блоклар ўрнатилган.Фото: AFP
Изоҳ (0)