Грузия эркин иқтисодий ва саноат зоналарини Тошкент технопарки билан боғлаш масалалари муҳокама қилинди. Бу ҳақда Business Week хабар берди.
Иқтисодий нуқтаи назардан Ўзбекистон билан ҳамкорлик Грузия учун ҳам, Ўзбекистон учун ҳам устувор аҳамиятга эга.
Биз ҳамкорликнинг жуда аниқ мақсадларини белгилаб олдик, уларни икки томонлама ҳукуматлараро комиссия доирасида амалга оширамиз, — деди Грузия Иқтисодиёт ва барқарор ривожланиш вазири Леван Давиташвили.
Унинг сўзларига кўра, жорий йилда Тошкентда ҳукуматлараро комиссия йиғилиши ўтказилишига қарор қилинди, унда жуда аниқ лойиҳаларни ишлаб чиқиш муҳокама қилинади.
Биз Технопаркда Грузия эркин иқтисодий ва саноат зоналарини Тошкент технопарки билан боғлаш бўйича режалар туздик, — деди Леван Давиташвили.
Унда ўзбек ва грузин ишлаб чиқарувчилари Грузиянинг Европа билан эркин савдо борасидаги афзалликларидан имкон қадар кўпроқ фойдаланиши учун қўшма лойиҳаларни амалга ошириш кўзда тутилган.
Аввалроқ Грузия бош вазири Ираклий Гарибашвили Ўзбекистонга келгани ҳақида хабар берилганди.
Изоҳ (0)