Ўзбекистонда жорий йилнинг биринчи ярмида 276 минг тонна суюқ углеводород қазиб олинди, бу ўтган йилнинг шу шу давридан 9 фоизга кўп. Бу ҳақда «Дарё»га «Саноат Энергетика Гуруҳи» компанияси маълум қилди.
Ғарбий Тошли, Шарқий Тошли, Янги Қоратепа, Шимолий Шўртан, Хўжаосмон каби конларда олиб борилган геологик-техник тадбирлар биринчи олти ойда ўсишни таъминлаб берди.
Шунингдек, нефть қазиб олиш ҳажмининг ошиши Чегара, Сардоба ва Шимолий Ўртабулоқ конларида эксплуатацион бурғилаш ҳамда қия йўналтирилган бурғилаш ишлари натижасида таъминланди.
2022 йил 1 июль ҳолатига кўра ўртача суткалик углеводород қазиб олиш ҳажми 1,7 минг тоннадан сал кўпроқни ташкил этди.
Ўтган йилнинг шу давридаги кўрсаткичлар 1 468 тонна даражасида эди. Шу тариқа, суткалик қазиб чиқаришнинг ўсиши 16 фоиздан ошди.
Бугунги кунга қадар корхона маҳсулотларини етказиб бериш бўйича 902 та мижоз билан шартномалар тузилган.
Булар қаторида Германия, Буюк Британия, Польша, Қозоғистон ва Тожикистон каби мамлакатлар компаниялари бор.
«Асосий фондларни капитал таъмирлаш» дастури доирасида жорий йилнинг биринчи ярмида 20,3 млрд сўмлик инвестициялар ўзлаштирилди, 93 та объект таъмирланди.
Ўтган йилнинг шу даврига нисбатан қуриб битказилган объектлар сони 15 тага кўпайди.
«Асосий фондларни капитал қурилиш – нефть қазиб олиш» дастурини амалга ошириш доирасида ўтган давр мобайнида 24 та объект бўйича 67 млрд сўм ўзлаштирилди.
Компания нефть қазиб олиш учун янги асосий фондларни яратиш ва эскиларини сақлашга қаратилган ҳар иккала дастурни ҳам фаол амалга оширишда давом этмоқда.
Шериклик ҳуқуқи асосида
Изоҳ (0)