Давлат статистика қўмитаси 2022 йил январь—июнь ойлари бўйича улгуржи савдо айланмасини эълон қилди.
Мамлакат бўйича улгуржи савдо айланмаси 95,3 трлн сўм, яъни 2021 йилнинг январь—июнь ойларига нисбатан 22,8 фоизга ўсган.
Таркибий қисмлари 70,6 фоиз микрофирма ва кичик корхоналари ва 29,4 фоиз йирик корхоналар ҳиссасига тўғри келди.
Кичик бизнес субъектларининг улгуржи савдо айланмасидаги улуши 67,3 трлн сўмни ташкил қилган. Бу эса 2021 йилнинг мос даврига нисбатан 21,4 фоизга ўсишни англатади.
Товар айланмасида энг юқори улуш Тошкент шаҳрида — 58,1 фоиз. Кейинги ўринларда Тошкент (7,4 фоиз) ва Бухоро (6,7 фоиз) вилоятларига тўғри келади.
Юқори ўсиш суръатларига эга йирик корхоналар Бухоро (236,6 фоиз), Сурхондарё (151,2 фоиз) ва Навоий (137,9 фоиз) вилоятларида кузатилди.
Сўнгги йилларда улгуржи савдода давлат секторининг ўрни пасайиб бормоқда. Ушбу секторнинг жами улгуржи товар айланмасидаги улуши 0,1 фоизни ташкил қилди.
Нодавлат тасарруфга эга субъектлар томонидан улгуржи савдо айланмаси 95,3 трлн сўмни ва давлат тасарруфига эга корхоналар томонидан 9,5 млрд сўмни ташкил этди.
Ҳудудлар кесимида давлат мулкини ҳали ҳам Тошкент шаҳрида (0,10 фоиз), Навоий (0,16 фоиз) ва Андижон (0,04 фоиз) вилоятларида сақланиб қолинганлигини кўриш мумкин.
Бошқа барча ҳудудларда улгуржи савдо тўлиқ нодавлат мулкка тегишли.
Изоҳ (0)