2022 йилнинг январь—июнь ойларида Ўзбекистон хорижий давлатлардан қиймати 395,9 миллион долларга тенг бўлган автомобиль импорт қилган. Бу ҳақда «Дарё»га Давлат статистика қўмитаси ҳисоботидан маълум бўлди.
Натижада 5 ойдан буён автомобиллар импорти ўтган йилнинг шу даврига нисбатан 2 баробар ошган.
Шу билан бирга, июнь ойида машина импорти ҳажми ошиб, 75,4 миллион долларга етган.
Таққослаш учун, январда автомобиллар импорти 65,7 миллион, февралда 58,8 миллион, мартда 64,8 миллион доллар, апрелда 91,1 млн ва майда 40,1 млн долларни ташкил қилган.
Йил бошидан бери Ўзбекистон автомобиль экспорти ҳажми 149,9 млн долларни ташкил этди.
Шундай қилиб, 6 ой якуни бўйича автомобиль импорти экспортдан 246 миллион доллар — 2,6 мартага ошган.
Шу тариқа, Ўзбекистон автомобилларни сотишдан кўра кўпроқ сотиб олишда давом этмоқда.
Аввалроқ Ўзбекистонда июнь ойида автомобиль ишлаб чиқариш қандай бўлгани ҳақида хабар берилганди.
Изоҳ (0)