Запорожье вилоятининг ҳарбий хизмат ёшидаги аҳолиси армияга чақирилмаслик учун Россия назорати остидаги ҳудудларга кетиши мумкин. Бу ҳақда Запорожье вилояти ҳарбий-фуқаролик маъмурияти бош кенгаши аъзоси Владимир Рогов маълум қилди.
«Чиқирув қоғозларини қабул қилманг, рўйхатдан ўтиш манзилида қолманг, у ерда сизни осонгина топиш мумкин. Иложи бўлса, шаҳардан чиқиб озод қилинган ҳудудларга жўнаб кетинг», — дея чақирди Рогов Telegram-каналида.
У, шунингдек, Киев Украина аҳолисини қул қилиш сиёсатини олиб бораётганини, буни айнан Запорожье вилоятида амалга ошира бошлаганини даъво қилди.
5 июль куни Украина Қуролли кучлари Бош штаби ҳарбий хизматни ўташга мажбур бўлганларнинг яшаш жойидан ташқарига чиқиши фақат ҳарбий комиссар рухсати билан амалга оширилиши мумкинлигини маълум қилди. Бош штаб маълумотларига кўра, Украинанинг 1992 йилдан бери амалда бўлган «Ҳарбий бурч ва ҳарбий хизмат тўғрисида»ги қонуни нормасига кўра, уруш даврида муддатли ҳарбий хизматга чақирилувчилар ва заҳирадаги ҳарбий хизматчиларнинг тегишли ҳудудий чақирув ва аҳолини ижтимоий қўллаб-қувватлаш маркази бошлиғининг рухсатисиз яшаш жойини тарк этиши тақиқланади.
Украина президенти Владимир Зеленский Бош штабнинг ҳарбий хизмат ёшидаги шахсларнинг яшаш жойини ҳарбий комиссияларнинг рухсатисиз тарк этишини тақиқлаш тўғрисидаги қарори билан боғлиқ вазиятга аралашди. Давлат раҳбари очиқчасига Бош штабдан усиз бундай қарорлар қабул қилмасликни сўради.
Изоҳ (0)