Тадбиркор Алишер Усмонов бадиий гимнастика бўйича мураббий Ирина Винер—Усмонова билан ажрашиш учун берган аризасини қайтариб олди, деб ёзмоқда «РИА Новости». Суд ишни ёпган.
Тадбиркор 4 май куни ажрашиш тўғрисидаги даъво аризаси билан чиққан эди. Икки ҳафта ўтгач, томонлар вакиллари суҳбат ўтказди, шундан сўнг жуфтликка якуний қарор қабул қилиш учун вақт берилди.
Маълум қилинишича, жуфтлик ФҲДЁ орқали ажрашган. Ҳеч қандай низоли ҳолат йўқлиги учун судга берилган даъво аризаси қайтариб олинган.
Усмонов ва Винер 1992 йилда турмуш қурган.
Усмонов Россиянинг Украинадаги босқини бошланганидан кейин АҚШ, Буюк Британия ва Европа Иттифоқи томонидан санкцияларга учради. Тадбиркор бу давлатларнинг қарорини адолатсиз деб атади ва улар унинг «шаъни, қадр-қиммати ва ишбилармонлик обрўсига» путур етказувчи «сохта ва асоссиз айбловлар» қўйганини айтди. Май ойида у Европа Иттифоқининг санкциялар рўйхатига киритилиши юзасидан шикоят киритишга қарор қилди.
Мавзуга доир: Алишер Усмонов ва Ирина Винер: илк учрашув, 6 йиллик ҳижрон ва 30 йиллик никоҳдан кейинги ажрашиш тарихи
Изоҳ (0)