Буюк Британия 2023 йилда Украинани қайта тиклаш бўйича конференция ташкил қилмоқчи ва жараённи мувофиқлаштириш учун ушбу конференция кузатув кенгашига ўзи кирмоқчи, деб ёзади «Коммерсантъ» Британия Ташқи ишлар вазирлигига таяниб. Шунга ўхшаш конференция бугун, 4 июль куни Швейцарияда ўтказилади.
Британия ҳукумати Киевга ёрдам кўринишида 120 миллион доллардан ортиқ маблағ ажратишга улгурди, шунингдек, кредитлар бўйича 1,5 миллиард долларлик кафолатларни тақдим этишга рози бўлди. Бундан ташқари, Буюк Британия «Украинада инвестицияларни жалб қилиш учун ўзининг молия секторидаги тажрибасидан фойдаланмоқчи», дея қайд этди ТИВ.
«Биз уруш чоғида Украинани қўллаб-қувватлашда етакчи бўлдик ва Украина ҳукуматини қайта тиклаш ва ривожлантириш соҳасидаги кўмак бўйича етакчи бўлишда давом этамиз», — деди Буюк Британия ташқи ишлар вазири Лиз Трасс.
Британия бош вазири Борис Жонсоннинг фикрича, узоқ муддатли истиқболда Украинани қўллаб-қувватлашда давом этиш муҳим. Украина президенти Владимир Зеленский бюджет тақчиллигини қоплаш учун мамлакатга ҳар ойда 5 миллиард доллар талаб этилишини айтганди.
Изоҳ (0)