Россияда COVID-19 тарқалиши муносабати билан чегарадан ўтишга қўйилган чекловлар 15 июлдан бекор қилинади, дея хабар берди Коронавирусга қарши кураш бўйича тезкор штаб. Мамлакат чегарасида вақтинчалик чекловлар 2020 йилнинг март ойида ўрнатилган эди.
14 июндан бошлаб хорижий фуқароларнинг Россияга ҳаво ва денгиз ўтказиш пунктлари орқали киришига қўйилган чекловлар бекор қилинган. Шу билан бирга, қуруқликдаги транспорт турлари билан киришда бир қатор чекловлар сақланиб қолаётганди.
Шунингдек, эндиликда Россияга келган Беларусь фуқароларидан коронавирус учун ПЗР-тести натижаларини кўрсатиш талаб қилинмайдиган бўлди.
1 июль куни «Роспотребнадзор» коронавирусга қарши илгари жорий қилинган чекловлар, жумладан ниқоб режими, тунда ресторанларда овқатланишни тақиқлаш ва бошқа бир қатор чора-тадбирларни бекор қилганди. Шу билан бирга, қарор россияликлар учун Федерацияга киришдаги талабларни бекор қилмади.
Изоҳ (0)