Интернетда Ўзбекистонда Starlink сунъий йўлдош интернет станцияси акс этган видео пайдо бўлди.
Терминал кўп қаватли уй томига ўрнатилган, фонда Тошкент телеминораси кўринади. Видеога «Ўзбекистонда кўришгунча» ёзуви қўшилган.
Starlink қачон Ўзбекистонга келиши мумкин?
Starlink — Илон Маскнинг Space Х компаниясининг сунъий йўлдош интернети.
Хизмат ҳозирда 32 мамлакатда, асосан ривожланган мамлакатларда мавжуд. Жорий йилнинг охирига келиб Starlink Аргентина, Колумбия, Парагвай, Сербия, Босния ва Герцеговина, Албания, Нигерия, Мозамбик ва Японияда ишлаши кутилмоқда.
Компания сайтидаги харитага кўра, Ўзбекистонда Starlink 2023 йилда пайдо бўлиши мумкин:
Starlink тизими 2019 йилдан бери қурилмоқда. SpaceX фойдаланувчиларга Ернинг паст орбитасида кичик (оғирлиги 500 кг гача) сунъий йўлдошлар тармоғи ёрдамида интернетга киришни таъминлашни режалаштирмоқда.
2020 йилда Starlink’нинг бета-синови унинг тезлиги 11 дан 60 Мбит/с гача эканлигини кўрсатган эди. Илон Маскнинг таъкидлашича, у 5G ва симли интернет ўртасидаги жойни эгаллайди.
Аввалроқ SpaceX компанияси Ўзбекистонда йирик лойиҳалар амалга оширишга тайёр экани ҳақида хабар берилган эди.
Изоҳ (0)