Июнь ойининг охирига келиб электромобилларни қувватлантириш шохобчалари Ўзбекистоннинг еттита вилоятида мавжуд. Бу PlugShare иловасида қайд этилган.
Зарядлаш станцияларнинг умумий сони 55 тани ташкил қилиб, уларнинг асосий қисми Тошкент ва Фарғона водийсида жойлашган. Яна бир нечта станциялар Самарқанд ва Қашқадарё вилоятларида бор.
Таққослаш учун, 2019 йилда улар 0, 2020 йилда 3 та, 2021 йилда 30 та бўлган.
Станцияларни, асосан, хусусий компаниялар ўз маблағларига турли мақсадларда ўрнатмоқда:
- Маkrо ўз супермаркетлари атрофида тармоқ қурмоқда;
- TokBor компанияларга станцияларни ўрнатиш хизматларини таклиф қилади;
- Megavatt электромобиллар сотувчиси сифатида инфратузилмани қурмоқда.
Аввалроқ Ўзбекистон бўйлаб ҳар 100 км масофага электр зарядлаш станциялари ўрнатилиши ҳақида хабар берилган эди.
Изоҳ (0)