Internetda O‘zbekistonda Starlink sun’iy yo‘ldosh internet stansiyasi aks etgan video paydo bo‘ldi.
Terminal ko‘p qavatli uy tomiga o‘rnatilgan, fonda Toshkent teleminorasi ko‘rinadi. Videoga “O‘zbekistonda ko‘rishguncha” yozuvi qo‘shilgan.
Starlink qachon O‘zbekistonga kelishi mumkin?
Starlink — Ilon Maskning Space X kompaniyasining sun’iy yo‘ldosh interneti.
Xizmat hozirda 32 mamlakatda, asosan rivojlangan mamlakatlarda mavjud. Joriy yilning oxiriga kelib Starlink Argentina, Kolumbiya, Paragvay, Serbiya, Bosniya va Gersegovina, Albaniya, Nigeriya, Mozambik va Yaponiyada ishlashi kutilmoqda.
Kompaniya saytidagi xaritaga ko‘ra, O‘zbekistonda Starlink 2023-yilda paydo bo‘lishi mumkin:
Starlink tizimi 2019 yildan beri qurilmoqda. SpaceX foydalanuvchilarga Yerning past orbitasida kichik (og‘irligi 500 kg gacha) sun'iy yo‘ldoshlar tarmog‘i yordamida internetga kirishni ta’minlashni rejalashtirmoqda.
2020 yilda Starlink’ning beta-sinovi uning tezligi 11 dan 60 Mbit/s gacha ekanligini ko‘rsatgan edi. Ilon Maskning ta’kidlashicha, u 5G va simli internet o‘rtasidagi joyni egallaydi.
Avvalroq SpaceX kompaniyasi O‘zbekistonda yirik loyihalar amalga oshirishga tayyor ekani haqida xabar berilgan edi.
Izoh (0)