Марказий банкнинг Finlit лойиҳаси энг муносиб банкни танлаш жараёнидаги асосий мезонлар ҳақида маълумот берди.
Ишончлилиги
Банкдан исталадиган биринчи нарса унинг ишончлилиги, чунки ҳар бир мижоз ўз маблағлари бутунлай хавфсизликда бўлишини истайди.
Шунинг учун, аввало, сиз танланган банк ўз фаолиятини амалга ошириш учун лицензияга эгалигига ишонч ҳосил қилиш керак. Лицензиясиз банк ўз хизматларини кўрсатиш ҳуқуқига эга эмас.
Бундан ташқари, интернетда, банклар тўғрисида мижозларнинг изоҳларини кўриб чиқиш мумкин.
Банк хизматлари арзонлиги
Ҳисоб рақамини очиш ва операциялар бўйича комиссион тўловлар харажатлари ҳар бир банкда сезиларли даражада фарқ қилиши мумкин.
Дастлабки босқичда энг кўп фойда олиш учун энг паст нархларга эга бўлган банкни танлаш керак - бу пулни тежаш ва уни бизнесни ривожлантириш учун йўналтиришга ёрдам беради.
Хизмат сифати
Банк хизматларининг сифати муҳим аҳамиятга эга, чунки сифатсиз хизматлар тадбиркорларнинг банкка ортиқча қатнаши учун вақт сарфлашига ва улар фаолиятининг самарадорлиги билан боғлиқ муаммоларга олиб келади.
Яхши банк - масофадан туриб ҳал қилиниши мумкин бўлган кичик саволлар бўйича мижозни банкка келишига мажбур қилмайдиган банкдир.
Бундай ҳолда, ҳисобни дистансион бошқариш, яъни, ҳисоб рақам бўйича операцияларни масофадан туриб ёки «банк-мижоз» технологияси орқали бошқариш имкониятини кўриб чиқиш керак.
Ўрнашган жойи
Банк танлашда, унинг ўрнашган жойини ҳам ҳисобга олиш керак. Агар бирор-бир сабабга кўра банкка тез-тез қатнашга тўғри келадиган бўлса, яқин жойлашган банкнинг хизматлари учун бир икки фоизга кўпроқ хизмат ҳақи тўлаш осон ва фойдалироқ бўлиши мумкин.
Имтиёзлар ва кўмаклашиш
Бизнесга хизмат кўрсатувчи банкни танлашда, бизнес фаолиятини енгиллаштирадиган ва соддалаштирадиган қўшимча имтиёзлар ва имкониятлар бўйича қизиқиб кўриш керак. Банк тадбиркорлик фаолияти учун кредитлар бериши ёки йўқлигини билиб олиш зарур.
Агар ҳозирда, банкдан қарз олиш режаси бўлмаса ҳам, келажакда бизнесни кенгайтириш учун қўшимча маблағлар керак бўлиши мумкин. Одатда, хизмат кўрсатаётган банкдан кредит олиш фойдалироқ.
Аввалроқ микроқарз нима, уни олиш тартиби ва муддатлари қандайлиги ҳақида хабар берилганди.
Изоҳ (0)