Тошкент шаҳри Яшнобод туманидаги ишлаб чиқариш базаси кимошди савдосида сотилди. Маълумотлар «E-auksion» порталида эълон қилинган.
Ер участкасининг умумий майдони — 0,97 гектар. Бинонинг майдони — 2 026 квадрат метр.
Объект 32 хонадан иборат бўлиб, унда сув, газ, электр таъминоти ва канализация тизими бор.
Аукционга қўйилган бинонинг бошланғич баҳоси — 14,6 млрд сўм эди. Кимошди савдоси 28 июнь куни бўлиб ўтган.
Бинонинг якуний нархи 14,9 млрд сўм деб баҳоланди. Аукцион ғолиби сифатида «Металлсавдо люкс» кўрсатилган.
Мазкур давлат активи Яшнобод МИБ томонидан кимошди савдосига қўйилган эди.
Аввалроқ Фарғонадаги кўп қаватли гипермаркет 23,2 млрд сўмга аукционга қўйилгани ҳақида хабар берилганди.
Изоҳ (0)