"Кимки биз атайлаб имтиҳонда йиқитганимизни ёки сертификат сотганимизни исботласа, мен унга 10 000 доллар бераман" — Комил Алламжонов

Комил Алламжонов «Alter Ego»га  берган интервьюсида ҳайдовчилик гувоҳномаси учун имтиҳон топшириш марказидаги нарх нима учун ошганини айтди.

Унинг сўзларига кўра, дастлаб нарх 250 минг сўм этиб белгиланиши режалаштирилган эди.

Бу адекват нарх, деб ҳисоблайман, чунки бизда улкан марказ, улкан ходимлар ва замонавий технологиялар мавжуд. Уларнинг аксарияти қисман хорижий ҳамкорлар, валюта ва кредитлар билан боғлиқ, — дея тушунтирди Алламжонов.

Бироқ, унинг сўзларига кўра, марказда аста-секин бу нархга келишга қарор қилишди. Унинг қўшимча қилишича, ҳозир одамлар ҳайдовчилик гувоҳномасини қўлга киритиш учун аввалгидан кўра бир неча баравар кам маблағ сарфламоқда.

Комил Алламжонов марказ қайта имтиҳондан пул топиш мақсадида одамларни атайлаб йиқитгани ҳақидаги гап-сўзларга ҳам изоҳ берди.

Буни имтиҳондан ўта олмаганлар айтади. Марказимиздаги барча шаблонлар аввалдан қўлланилган шаблонлардир, — деди Алламжонов.

Унинг қўшимча қилишича, янги талабларга кўра, марказда саволлар сони 700 тадан 1000 тагача кўпайган. Аммо бу саволларнинг барчаси ўқув дастуридан олинган.

Агар одам 276 соатлик машғулотнинг ҳаммасини ўтса, 50-60 соатдан ҳаммасини босиб ўтса, яъни, агар ҳамма қилиш керак бўлган нарсани қилса, у бемалол имтиҳондан ўтади, — деди Алламжонов.

Шунингдек, у марказдагилар одамларни атайлаб йиқитганини ёки сертификат сотаётганини исботласа, унга шахсан 10 000 доллар беришга ваъда берди.

Аввалроқ Комил Алламжонов имтиҳон марказини яратиш қанчага тушишини айтган эди.