Гап Россия Коммунистик партияси депутати ва унинг рафиқасининг учта квартираси ҳақида кетмоқда. Германияда ҳам уларга нисбатан санкцияларни бузганлик айби қўйилди: Мюнхен прокуратурасига кўра, улар нафақат кўчмас мулкка эгалик қилган, балки уни ижарага беришдан ҳам пул олган.
«Мюнхен прокуратураси санкциялар туфайли россияликларнинг учта квартирасини мусодара қилди ва банк ҳисобларини ҳибсга олди» — деди катта прокурор Анна Ляйдинг. «Бу Германияда нафақат ҳисобрақамлардаги маблағ, балки кўчмас мулк ҳам музлатилган биринчи ҳолат», дея қўшимча қилган прокурор.
Ушбу мулк 23 февраль куни Россиянинг ДХР ва ЛХРни тан олиши сабабли Европа Иттифоқи санкциялари остида қолган Давлат Думаси депутати ва унинг рафиқасига тегишли.
Прокуратура маълумотларига кўра, учта квартиранинг барчаси Мюнхенда жойлашган бўлиб, ҳисоб рақамга тушадиган ижара тўловлари ойига тахминан 3500 еврони ташкил қилади.
Депутат ва унинг рафиқаси санкцияларни бузганликда айбланади. Агар улар Германияга келиб, бу ерда суд қилинса, беш йилгача қамоқ жазосига ҳукм қилиниши мумкин.
Изоҳ (0)