Эронлик генерал давлатлар ўртасида виза режимини бекор қилиш учун шароит яратишни таклиф қилди.
Тожикистон ички ишлар вазири 20 июнь куни Душанбе шаҳрида Эрон Ислом Республикаси ички ишлар вазирининг хавфсизлик ва тартиб-интизом бўйича ўринбосари, генерал майор Саййид Мажид Мираҳмадий билан учрашди, дея хабар қилди республика ИИВ матбуот хизмати.
Хабарда милиция генерал-полковниги Рамазон Раҳимзода ва эронлик генерал икки давлат вазирликлари ўртасида аввал имзоланган келишувларни муҳокама қилгани таъкидланган.
«Саидмажид Мираҳмадий Эрон Тожикистон хавфсизлигини ўзининг хавфсизлиги деб билади ва бу йўлда ҳар қандай ёрдамни кўрсатишга тайёрлигини маълум қилди», — дея ёзади IRNA газетаси.
Мираҳмади Эрон ва Тожикистонинг муштарак маданий ва тил жамиятларига тўхталар экан, икки давлат фуқаролари саёҳат ва таълим олиши мамлакатнинг савдо, маданий ва иқтисодий алоқалари учун муҳим омил эканини қўшимча қилган.
Шу муносабат билан Саййид Мажид Мираҳмадий Тожикистон ва Эрон ўртасида виза режимини бекор қилиш учун шароит яратишни таклиф қилди.
Изоҳ (0)