Eron generali: “Tojikiston xavfsizligi — bu Eronning xavfsizligi”

Eronlik general davlatlar o‘rtasida viza rejimini bekor qilish uchun sharoit yaratishni taklif qildi.

Tojikiston ichki ishlar vaziri 20-iyun kuni Dushanbe shahrida Eron Islom Respublikasi ichki ishlar vazirining xavfsizlik va tartib-intizom bo‘yicha o‘rinbosari, general-mayor Sayyid Majid Mirahmadiy bilan uchrashdi, deya xabar qildi respublika IIV matbuot xizmati.

Xabarda militsiya general-polkovnigi Ramazon Rahimzoda va eronlik general ikki davlat vazirliklari o‘rtasida avval imzolangan kelishuvlarni muhokama qilgani ta’kidlangan.

“Saidmajid Mirahmadiy Eron Tojikiston xavfsizligini o‘zining xavfsizligi deb biladi va bu yo‘lda har qanday yordamni ko‘rsatishga tayyorligini ma’lum qildi”, — deya yozadi IRNA gazetasi.

Mirahmadi Eron va Tojikistoning mushtarak madaniy va til jamiyatlariga to‘xtalar ekan, ikki davlat fuqarolari sayohat va ta’lim olishi mamlakatning savdo, madaniy va iqtisodiy aloqalari uchun muhim omil ekanini qo‘shimcha qilgan.

Shu munosabat bilan Sayyid Majid Mirahmadiy Tojikiston va Eron o‘rtasida viza rejimini bekor qilish uchun sharoit yaratishni taklif qildi.