Россия—Украина уруши туфайли таъминот занжири узилиши, транспорт харажатларининг ошиши ва айрим мамлакатларда экспортнинг тақиқланиши сабаб ғалла ва бошқа маҳсулотлар нархи кескин кўтарилганидан сўнг, халқаро экспертлар гуруч нархи ҳам ошишидан огоҳлантирмоқда.
CNBC телеканали БМТнинг озиқ-овқат ва қишлоқ хўжалиги товарлари индексига таяниб, гуруч нархи бир неча ой кетма-кет ўсиб бораётгани ва 12 ой ичида энг юқори чўққига чиққанини ёзмоқда.
Дунёда гуручнинг асосий етиштирувчилари Хитой ва Ҳиндистон бўлиб, уларнинг жаҳон миқёсидаги улуши жами етиштириладиган гуручнинг ярмидан кўпини ташкил қилади. Мутахассислар Ҳиндистон ҳукуматининг буғдой ортидан гуруч маҳсулотлари экспортини ҳам чеклай бошлашидан хавотирда. Айни пайтда, Таиланд ва Вьетнам, яна икки йирик ишлаб чиқарувчилар гуруч нархини ошириш ҳақидаги келишувлар бўйича музокараларни бошлаган.
Ҳозирда жаҳон талабини қондириш учун етарли миқдорда гуруч етиштирилмоқда, бироқ нархларнинг ошиши кўплаб мамлакатларнинг озиқ-овқат хавфсизлигига таҳдид солмоқда.
Изоҳ (0)