Эроннинг Машҳад шаҳридан Язд шаҳрига кетаётган поезд Жанубий Хуросон вилоятининг Тебес шаҳрида рельсдан чиқиб кетди, деб ёзмоқда Tasnim. Оқибатда камида 13 киши ҳалок бўлди. Яна 50 киши жароҳатланган, улардан 15 нафарининг аҳволи оғир.
Агентликнинг маҳаллий ҳокимият органларига таяниб хабар беришича, поезд темир йўлда экскаватор билан тўқнашиб кетган, шундан сўнг тўртта вагон рельсдан чиқиб кетган.
Иран International News 17 киши ҳалок бўлгани, 30 га яқин киши яралангани ҳақида ёзмоқда. Газета хабарига кўра, беш кишининг аҳволи оғир.
Воқеа жойига Эроннинг учта вилоятидан қутқарув вертолётлари ва тез ёрдам машиналари етиб келди, дейилади Tasnim хабарида.
Аввал Покистонда иккита поезд тўқнашиб, 30 киши ҳалок бўлгани, Малайзияда метро поездларининг тўқнашуви оқибатида 200 дан ортиқ киши жароҳат олгани ҳақида хабарлар берилганди.
Изоҳ (0)