Eronning Mashhad shahridan Yazd shahriga ketayotgan poyezd Janubiy Xuroson viloyatining Tebes shahrida relsdan chiqib ketdi, deb yozmoqda Tasnim. Oqibatda kamida 13 kishi halok bo‘ldi. Yana 50 kishi jarohatlangan, ulardan 15 nafarining ahvoli og‘ir.
Agentlikning mahalliy hokimiyat organlariga tayanib xabar berishicha, poyezd temir yo‘lda ekskavator bilan to‘qnashib ketgan, shundan so‘ng to‘rtta vagon relsdan chiqib ketgan.
Iran International News 17 kishi halok bo‘lgani, 30 ga yaqin kishi yaralangani haqida yozmoqda. Gazeta xabariga ko‘ra, besh kishining ahvoli og‘ir.
Voqea joyiga Eronning uchta viloyatidan qutqaruv vertolyotlari va tez yordam mashinalari yetib keldi, deyiladi Tasnim xabarida.
Avval Pokistonda ikkita poyezd to‘qnashib, 30 kishi halok bo‘lgani, Malayziyada metro poyezdlarining to‘qnashuvi oqibatida 200 dan ortiq kishi jarohat olgani haqida xabarlar berilgandi.
Mavzuga doir:
Izoh (0)