Май ойида асосий турдаги қишлоқ хўжалиги ва гўшт маҳсулотларининг улгуржи нархлари ўзгариши юзасидан таҳлилий маълумот тайёрланди. Бу ҳақида Иқтисодий тараққиёт ва камбағалликни қисқартириш вазирлиги хабар берди.
Май ойида бозорда қулупнай 65 минг сўмга, булғор қалампири (яшил) 14 минг сўмга, саримсоқ пиёз 13,5 минг сўмга, бодринг 6,5 минг сўмга, қизил помидор 6 минг сўмга, пушти помидор 5,5 минг сўмга, маҳаллий олма 5 минг сўмга, импорт олма 2,5 минг сўмга, лавлаги 2,75 минг сўмга, турп 600 сўмга ҳамда карам 250 сўмга арзонлашган.
Шу билан бирга, лимон 14 минг сўмга, лазер гуруч 7 минг сўмга, мандарин 5 минг сўмга, булғор қалампири (қизил) 2,5 минг сўмга, гуруч (аланга) 2 минг сўмга, пиёз (янги ҳосил) 550 сўмга, картошка (янги ҳосил) 500 сўмга ва картошка (импорт) 100 сўмга ошган.
Давлат божхона қўмитасининг тезкор маълумотларига асосан, 2022 йилнинг майида умумий қиймати 95,2 млн долларлик (ўтган йилнинг мос даврига нисбатан 10,4 млн доллар кам) жами 212,4 минг тонна (13,5 минг тонна кўп) қишлоқ хўжалиги маҳсулотлари экспорти амалга оширилди.
Хусусан, мазкур даврда 90,1 минг тонна пиёз, 18,4 минг тонна гилос, 17,1 минг тонна карам, 15,6 минг тонна помидор, 11,0 минг тонна сабзи, 6,8 минг тонна лавлаги, 6,0 минг тонна мош, 4,9 минг тонна кўкат, 4,8 минг тонна ловия, 3,8 минг тонна майиз ва 3,3 минг тонна тарвуз ташқи бозорларга етказиб берилган.
Май ойида 9,9 млн доллар (ўтган йилнинг мос даврига нисбатан 0,9 млн доллар кам) қийматдаги жами 40,4 минг тонна (23,6 минг тонна кам) қишлоқ хўжалиги маҳсулотлари, хусусан 28,8 минг тонна картошка, 6,2 минг тонна банан, 1,7 минг тонна олма, 0,6 минг тонна апельсин, 0,2 минг тонна киви ва 0,1 минг тонна мандарин импорт қилинган.
«Қўйлиқ» бозорига ўтган ойда ҳудудлардан жами 34,9 минг тонна, хусусан, 12,5 минг тонна картошка, 15 минг тонна пиёз, 12 минг тонна карам ва 6,3 минг тонна сабзи келтирилган. Хусусан маҳсулотлар кесимида таҳлил қилинганда:
- Сурхондарёдан 6 687 тонна, Тошкент вилоятидан 570 тонна, Намангандан 234 тонна ва Самарқанддан 10 тонна картошка;
- Сурхондарёдан 14 542 тонна, Тошкент вилоятидан 230 тонна ва Самарқанддан 181 тонна пиёз;
- Тошкент вилоятидан 1 160 тонна сабзи;
- Тошкент вилоятидан 1 342 тонна, Андижондан 868 тонна, Қашқадарёдан 863 тонна, Жиззахдан 843 тонна, Сурхондарёдан 745 тонна, Бухородан 658 тонна, Хоразмдан 517 тонна ҳамда Сирдарёдан 492 тонна сабзи маҳсулотлари етказиб берилган.
Бундан ташқари «Қўйлиқ» бозорига Покистондан 4,5 минг тонна, Эрон давлатидан 430 тонна, Қозоғистондан 52 тонна ва Афғонистондан 14 тонна картошка келтирилган.
Ҳудудлардан «Чорсу» деҳқон бозорига май ойида жами 326,5 тонна, шу жумладан 265,5 тонна мол гўшти ва 61 тонна қўй гўшти келтириб сотилган.
Аввалроқ Ўзбекистон Мўғулистондан гўшт импортини оширишга келишиб олгани ҳақида хабар берилган эди.
Изоҳ (0)