Самарқанд—Тошкент йўналишида ҳаракатланаётган «Афросиёб» юқори тезликда ҳаракатланувчи йўловчи поезди 30 май куни ҳаракат вақтида тўхтаб қолди. Бу ҳақда «Ўзбекистон темир йўллари» хабар қилди.
Қайд этилишича, ҳолат шу куни 17:40 да Жиззах—Зарбдор перегонида юз берган. Бунга борт тизимида носозлик юзага келгани сабаб бўлган.
Соат 18:30 да камчиликлар бартараф этилгач, йўловчи поезди ўз ҳаракатини давом эттирган.
«Йўловчилардан узр сўраб, тўғри тушунишларини сўраб қоламиз», — дейилади хабарда.
Аввалроқ «Ўзбекистон» йўналишида ҳаракатланган метро вагонида чироқ ўчиб қолгани, Тошкент метросида поезд носозлик сабаб «Чорсу» бекатида йўловчиларни тушириб қолдиргани ҳақида хабар берилган.
Изоҳ (0)