Samarqand—Toshkent yo‘nalishida harakatlanayotgan “Afrosiyob” yuqori tezlikda harakatlanuvchi yo‘lovchi poyezdi 30-may kuni harakat vaqtida to‘xtab qoldi. Bu haqda “O‘zbekiston temir yo‘llari” xabar qildi.
Qayd etilishicha, holat shu kuni 17:40 da Jizzax—Zarbdor peregonida yuz bergan. Bunga bort tizimida nosozlik yuzaga kelgani sabab bo‘lgan.
Soat 18:30 da kamchiliklar bartaraf etilgach, yo‘lovchi poyezdi o‘z harakatini davom ettirgan.
“Yo‘lovchilardan uzr so‘rab, to‘g‘ri tushunishlarini so‘rab qolamiz”, — deyiladi xabarda.
Avvalroq “O‘zbekiston” yo‘nalishida harakatlangan metro vagonida chiroq o‘chib qolgani, Toshkent metrosida poyezd nosozlik sabab “Chorsu” bekatida yo‘lovchilarni tushirib qoldirgani haqida xabar berilgan.
Izoh (0)