Наманган шаҳрида ўтказилган «Тиғ» тадбирлари давомида фуқаролардан жами 120 та хавфли буюм олиб қўйилди. Бу ҳақда «Дарё» мухбири Азизбек Абдувалиев хабар бермоқда.
Ушбу буюмлардан 82 таси пичоқ, 30 таси кастет ва 8 таси бита ҳисобланади. Улар фуқаролар томонидан ноқонуний равишда олиб юрилгани аниқланиб, Маъмурий жавобгарлик тўғрисидаги кодекснинг 185-моддаси асосида ҳужжатлар расмийлаштирилди.
Жумладан, Наманган шаҳар ички ишлар органлари фаолиятини мувофиқлаштириш бошқармаси томонидан ўтказилган «Тиғ» тадбири давомида шаҳар марказидаги «Сардоба» бозорида эркаклар камарини сотаётган сотувчи ходимлар эътиборини тортди. У томонидан харидорларга таклиф этилаётган маҳсулотлар ўрганилганида камарларнинг бир қисми аслида кастет эканлиги аниқланди.
Мазкур кастетлар мусодара этилиб, сотувчига нисбатан тегишли чора кўрилгани билдирилмоқда.
Изоҳ (0)