Фарғона вилояти Фавқулодда вазиятлар бошқармасига янги раҳбар тайинланди

Фавқулодда вазиятлар вазирининг тегишли буйруғи билан подполковник Илҳомжон Қўчқоров Фарғона вилояти Фавқулодда вазиятлар бошқармаси бошлиғи лавозимига тайинланди. Бу ҳақда ФВВ ахборот хизмати хабар қилди.

Қайд этилишича, тайинлов вазир, генерал майор Абдулла Қўлдошев ҳамда вилоят ҳокими Хайрулло Бозоров иштирокида ўтказилган йиғилишда эълон қилинган.

Илҳомжон Қўчқоров 1981 йилда Фарғона туманида туғилган. 2002 йилда Фарғона давлат университетини, 2014 йилда Россия Федерацияси Фуқаро муҳофазаси академиясини тамомлаган.

Тайинловга қадар вилоят Фавқулодда вазиятлар бошқармаси бошлиғининг биринчи ўринбосари лавозимида ишлаб келаётган эди.

Аввалроқ ДХХ масъули Сурхондарё вилояти ҳокимига янги ўринбосар бўлгани, Қашқадарё вилояти МТБга янги раҳбар тайинлангани, Фарғонанинг Учкўприк тумани ҳокими Навоий ҳокимига ўринбосар бўлгани ҳақида хабар берилганди.