Сурхондарёдан Тошкентга номаълум ҳайвонга тегишли гўшти маҳсулотларини олиб келаётган учта автомобиль тўхтатиб қолинди. Бу ҳақда «Насаф ТВ» телеканали орқали эфирга узатилган лавҳада маълум қилинди.
Маълум қилинишича, 14 май куни Кўкдала туман ҳудудида жойлашган «Умакай» мунтазам ЙПХ масканида учта автомобиль назорат текшируви учун тўхтатилган. Сурхондарё—Тошкент йўналишида ҳаракатланиб келган икки нафар деновлик ҳамда қибрайлик ҳайдовчиларга тегишли машиналари текширилиб, уларнинг юкхонаси кўздан кечирилганда, тегишли ветеринария ҳужжатларисиз, келиб чиқиши номаълум бўлган 914 килограмм гўшт маҳсулоти борлиги аниқланган.
Ҳолат юзасидан ҳайдовчиларга нисбатан Кўкдала тумани ИИБ ходимлари томонидан суриштирув ҳаракатлари олиб борилмоқда.
Лаборатория таҳлиллари натижасига кўра улар яроқсиз деб топилган ва тегишли тартибда йўқ қилинган.
Аввалроқ Жиззахда Nexia юкхонаси ва салонидан Тошкентга олиб кетилаётган 712 кг номаълум ҳайвон гўшти топилгани, Бухородан Тошкентга 500 кг истеъмолга яроқсиз гўшт олиб кетаётган Isuzu тўхтатиб қолингани тўғрисида хабар берилганди.
Изоҳ (0)