Қашқадарё вилоятининг Ғузор туманида фуқарони «Қашқадарё технологик транспорт» АЖга ишга киритиб қўйишни ваъда қилган участка бошлиғи ушланди. Бу ҳақда Бош прокуратура ҳузуридаги департамент хабар берди.
Маълум қилинишича, департамент, ДХХ ва ИИБнинг Ғузор тумани бўлимлари томонидан тезкор тадбир ўтказилган. Тадбир давомида «Қашқадарё технологик транспорт» АЖнинг йўл қурилиш участкаси бошлиғи И.Қ. фуқаро Ж.нинг ишончига кириб, уни ушбу корхонага ишга киритиб қўйиш эвазига фирибгарлик йўли билан 900 доллар олган вақтида ашёвий далиллар билан қўлга олинган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Аввалроқ Қорақалпоғистонда фуқародан ишга киритиб қўйиш эвазига 3 минг доллар сўраган Бандликка кўмаклашиш маркази ходими ушлангани, Тошкент вилоятида тиббиёт ходимини бош шифокор ўринбосари этиб тайинлашга ёрдам бериш учун 1,3 минг доллар олган шахслар қўлга олингани тўғрисида хабар берилганди.
Мавзуга доир:
- Оҳангаронда фуқарони металлургия комбинатига ишга киритиш учун 3 минг доллар сўраган шахслар ушланди
- Сирдарё вилояти перинатал маркази ходимаси ишга жойлаштириш эвазига пора олаётганида қўлга тушди
- Сурхондарёда 2 минг долларга чегара қўшинлари ҳарбий қисмига ишга киритиб қўймоқчи бўлган шахс ушланди
Изоҳ (0)