Ўзбекистонда наркология муассасаларини тиббий ускуналар билан жиҳозлашга 32,5 млрд сўм маблағ ажратилади
«Аҳолига наркологик ёрдам кўрсатиш тизимини янада такомиллаштириш бўйича қўшимча чора-тадбирлар тўғрисида»даги президент қарори қабул қилинди.
Қарорга кўра, вояга етмаганлар ва ёшлар орасида психоактив моддалар истеъмол қилинишнинг олдини олиш ва барвақт аниқлашга қаратилган профилактика тизими ишлаб чиқилади.
Соғлиқни сақлаш вазирлигига:
- манфаатдор идоралар билан биргаликда туман (шаҳар) кўп тармоқли марказий поликлиникаларининг штат нормативларини қайта кўриб чиқиб, шифокор-нарколог лавозимларининг штат меъёрларини бир штат бирлигидан кам бўлмаган миқдорда белгилаш;
- Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш жамғармаси маблағлари ҳисобидан ҳар йили Наркология маркази ва унинг ҳудудий филиалларидан шаффоф танлов асосида танлаб олинган 10 нафаргача шифокор мутахассислар нуфузли хорижий наркология марказларида малака оширишга юбориш вазифаси юклатилган.
Вазирлар Маҳкамаси мазкур қарорда белгиланган чора-тадбирлар бажарлишини ҳар чоракда танқидий муҳокама қилиб боради ва камчиликларга йўл қўйган мансабдор шахсларга нисбатан қатъий жавобгарлик чоралари кўрилишини таъминлайди.
Аввалроқ Ислом тараққиёт банки Ўзбекистонда онкологик хизматларини ривожлантиришга маблағ ажратиши тўғрисида хабар берилганди.
Мавзуга доир: Ички ишлар органларига наркологик касалликларга чалинган шахсларни мажбурий даволашга юбориш ҳуқуқи берилади
