“Aholiga narkologik yordam ko‘rsatish tizimini yanada takomillashtirish bo‘yicha qo‘shimcha chora-tadbirlar to‘g‘risida”dagi prezident qarori qabul qilindi.
Qarorga ko‘ra, voyaga yetmaganlar va yoshlar orasida psixoaktiv moddalar iste’mol qilinishning oldini olish va barvaqt aniqlashga qaratilgan profilaktika tizimi ishlab chiqiladi.
Sog‘liqni saqlash vazirligiga:
- manfaatdor idoralar bilan birgalikda tuman (shahar) ko‘p tarmoqli markaziy poliklinikalarining shtat normativlarini qayta ko‘rib chiqib, shifokor-narkolog lavozimlarining shtat me’yorlarini bir shtat birligidan kam bo‘lmagan miqdorda belgilash;
- Iqtidorli va malakali tibbiyot mutaxassislarini qo‘llab-quvvatlash hamda tibbiyot muassasalariga jalb qilish jamg‘armasi mablag‘lari hisobidan har yili Narkologiya markazi va uning hududiy filiallaridan shaffof tanlov asosida tanlab olingan 10 nafargacha shifokor mutaxassislar nufuzli xorijiy narkologiya markazlarida malaka oshirishga yuborish vazifasi yuklatilgan.
Vazirlar Mahkamasi mazkur qarorda belgilangan chora-tadbirlar bajarlishini har chorakda tanqidiy muhokama qilib boradi va kamchiliklarga yo‘l qo‘ygan mansabdor shaxslarga nisbatan qat’iy javobgarlik choralari ko‘rilishini ta’minlaydi.
Avvalroq Islom taraqqiyot banki O‘zbekistonda onkologik xizmatlarini rivojlantirishga mablag‘ ajratishi to‘g‘risida xabar berilgandi.
Izoh (0)