Тошкент вилоятининг Бектемир туманида тиббиёт ходимини юқори лавозимга тайинлашга ёрдам бериш учун пул талаб қилган шахслар ушланди, деб хабар беради Бош прокуратура ҳузуридаги департамент.
Маълум қилинишича, департамент ҳамда ДХХнинг Бектемир тумани бўлимлари томонидан тезкор тадбир ўтказилган. Тадбир давомида М.Д. ва С.Х. исмли шахслар фуқаро Х.ни (мутахассислиги шифокор) юқори лавозимда ишловчи танишлари орқали Нурафшон шаҳардаги Тез тиббий ёрдам бўлимига ишга киритиб, кейинчалик гўёки бош шифокор ўринбосари лавозимига тайинлатиб бериш эвазига 1,3 минг доллар олган вақтида ашёвий далиллар билан ушланган.
Шунингдек, Ховос туман бўлими томонидан ўтказилган тезкор тадбирда У.А. исмли шахс фуқаро I.нинг ишончига кириб, уни Ховос вагон таъмир корхонасида ишловчи танишлари орқали ишга киритиб қўйиш эвазига 1,5 минг долларни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Аввалроқ Сирдарё вилояти перинатал маркази ходимаси ишга жойлаштириш эвазига пора олаётганида қўлга тушгани, Сирдарёда тез ёрдамга диспетчерликка ишга киритиб қўйиш учун 700 доллар сўраган шифокор ушлангани тўғрисида хабар берилганди.
Мавзуга доир:
- Самарқандда ишга киритиб қўйиш учун 500 доллар олган тез ёрдам бўлими мудири ушланди
- Навоийда олий тоифали суд тиббий эксперти 1,5 млн сўм пора билан қўлга тушди
- Наманганда аёл 18 нафар фуқарони шифохонага ишга жойлаш учун 300 ва 500 доллардан олгани аниқланди
- Самарқандда фуқарони ҳамшираликка ишга жойлаштириш учун 400 доллар ва 1 млн сўм олган фелдшер ушланди
Изоҳ (0)