Sirdaryo viloyatining Guliston shahrida fuqaroni tez yordamga dispetcherlikka ishga kiritib qo‘yish uchun 700 dollar so‘ragan shifokor ushlandi, deb xabar beradi Bosh prokuratura huzuridagi departament.
Ma’lum qilinishicha, departamentning Guliston shahar bo‘limi tomonidan tezkor tadbir o‘tkazilgan. Tadbirda Guliston shahar shoshilinch tez tibbiy yordam stansiyasi navbatchi shifokori R.G‘. fuqaro D.ni tanishlari yordamida ushbu bo‘limga dispetcherlik vazifasiga ishga kiritib qo‘yishni va’da qilgani aniqlangan. Buning evaziga shifokor 700 dollarni olgan vaqtida ashyoviy dalillar bilan ushlangan.
Shuningdek, departament hamda DXXning Surxondaryo viloyati boshqarmalari tomonidan IIB xodimlari bilan hamkorlikda tezkor tadbir o‘tkazilgan. Tadbirda Sho‘rchi tuman tibbiyot birlashmasiga qarashli tez tibbiy yordam bo‘limi xo‘jalik bekasi M.I. fuqaro M.ni birlashmada ishlovchi tanishlari yordamida hamshira vazifasida ishga kiritib qo‘yish evaziga 1000 dollarni olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Avvalroq Samarqandda 50 ming dollar evaziga DXXga ishga kiritib qo‘ymoqchi bo‘lgan shaxs qo‘lga olingani, Andijon va Xorazm viloyatlarida fuqarolarni o‘qishga kiritish uchun jami 3 ming dollar olgan shaxslar ushlangani to‘g‘risida xabar berilgandi.
Mavzuga doir:
- Namanganda shifoxonaga ishga kiritib qo‘yish uchun 700 dollar so‘ragan hamshira va mudir o‘rinbosari ushlandi
- Qashqadaryoda sport maktabi direktori 1,5 mln so‘m pora olgani uchun 5 yilga ozodlikdan mahrum qilindi
- Buxoroda hamshiralikka ishga joylashtirish uchun 600 dollar olgan bosh shifokor ushlandi
Izoh (0)