Bugun,

  • USD 11014.01
  • RUB 191.8
  • EUR 10674.78

Navoiy viloyati Karmana tumanida fuqarodan 1,5 million so‘m pul talab qilgan oliy toifali sud tibbiy eksperti qo‘lga olindi, deb xabar beradi viloyat IIB axborot xizmati.

Foto: Navoiy viloyati IIB axborot xizmati

Foto: Navoiy viloyati IIB axborot xizmati

Ma’lum bo‘lishicha, Karmana tumanida yashovchi X.J. rafiqasi bilan o‘zaro kelishmovchiliklari tufayli qaynonasi uning uyida janjal chiqargan. Murosa qilishni xohlamagan qaynona ehtiyotsizligi oqibatida yiqilib, tan jarohati olgan. Atrofdagi qo‘shnilar voqeaga guvoh bo‘lsa-da, qaynona tan jarohatida kuyovini ayblagan. Profilaktika inspektori voqeani o‘rganib, X.J.ning qaynonasining olgan tan jarohati darajasini aniqlash maqsadida Karmana tumani Sud tibbiy ekspertiza bo‘limiga olib borgan.

Oliy toifali sud tibbiy eksperti B.N. 1,5 million so‘m pul evaziga qaynonaning jarohatini yengillashtirib ko‘rsatishini, aks holda mazkur holat jinoyat ishi ochishga asos bo‘lishi bilan X.J.ni qo‘rqitgan.

Fuqaro holat yuzasidan viloyat IIB boshlig‘iga bildirgi bilan murojaat qilgan. X.J. telefon orqali shifokor bilan suhbatlashib, pulni esa aytilganidek uning qo‘l ostidagi ishchisi — 29 yoshli F.D.ga berishini aytgan.

Ekspert-shifokorning xodimi pullarni olayotgan vaqtida IIV SHXBB Navoiy viloyati bo‘yicha bo‘limi xodimlari hamda huquqni muhofaza qiluvchi boshqa organlar bilan hamkorlikda o‘tkazilgan tezkor tadbir ishtirokchilari tomonidan qo‘lga olingan.

F.D.ning roziligi asosida tezkor tadbir davom ettirilib, shu kunning o‘zida pullar mutaxassis shifokorga yetkazilganida u ham ushlangan.

Avvalroq Sirdaryoda tez yordamga dispetcherlikka ishga kiritib qo‘yish uchun 700 dollar so‘ragan shifokor qo‘lga olingani, Qashqadaryoda bosh shifokor 500 ming so‘m, agroinspeksiya inspektori esa 3 million so‘m pora bilan qo‘lga tushgani, Qashqadaryoda poliklinika bosh shifokori 2 ming dollar pora bilan ushlangani to‘g‘risida xabar berilgandi.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi