Telegram’да янги ботлар, iOS хабар таржимасида янги тиллар, JavaScript’дан фойдаланиш ва бошқа имкониятлар пайдо бўлди

Telegram жамоаси илованинг янги версиясини тақдим қилди.

Шахсий билдиришнома оҳангларини ўрнатиш

Энди Telegram’да махсус товушларни яратиш мумкин. Буни қисқа аудиофайл ёки овозли хабар билан қилса бўлади.

Билдиришномалар овозини маълум муддатга ўчириш

Олдин Telegram’да билдиришномалардан танаффус қилиш учун чатларни вақтинча ўчириб қўйиш мумкин эди, масалан, 8 соатга ёки 2 кунга. 

Энди билдиришномаларни маълум бир муддат, масалан, тушлик ёки таътил вақтида тўхтатиб қўйиш мумкин.

Автоматик ўчириш менюси

Суҳбатни махфийроқ ёки тушунарлироқ қилиш учун ҳар қандай чатда автоматик ўчиришни ёқиш мумкин. Энди 2 кун, 3 ҳафта, 4 ой ва бошқа исталган вақтга хабарларни ўчириш муддатини белгилаш мумкин.

Ботлардаги ўзгаришлар

Telegram’да 2015 йилдан бери миллионлаб одамлар файлларни алмашиш, онлайн харид қилиш ва солиқларни тўлаш учун ботлардан фойдаланишади. Telegram ботлари узлуксиз авторизацияни, 15 та тўлов провайдерлари (Google Pay ва Apple Pay билан бирга) орқали тўловларни қайта ишлашни, фикр-мулоҳазаларни йиғишни, фойдаланувчиларга билдиришномаларни етказиб беришни ва бошқа кўп вазифаларни бажаради.

JavaScript

Ҳозирда бот яратувчиларига машҳур дастурлаш тилларидан бири бўлган JavaScript билан чексиз мослашувчан интерфейсларни яратиш имконияти берилди. Бу билан Telegram ботлари ҳар қандай веб-сайт ўрнини боса олиши мумкин.

Бот созламалари

Telegram ботлари қўшимча функциялар қўшиш, жараёнларни автоматлаштириш, чат бошқаруви каби вазифаларни ҳам ҳал қила олади. Энди бот профилидан шахсий гуруҳлар ёки каналларга ботларни қўшиш ва уларни созлаш мумкин.

iOS тизимида хабарлар таржимаси

iOS қурилмаларида таржима функцияси янгиланди. Ҳозир iOS ҳам Android иловаси билан бир хил тиллардан таржима қила олади, масалан, украин тилидан.

Янги анимациялар

Созламалардаги телефон рақамни ўзгартириш интерфейси янгиланди — янги анимацион ўрдаклар қўшилди.