Xiaomi ҳарорат ва намликни ўлчашга қодир «ақлли» вентиляторини тақдим этди

Xiaomi компанияси Хитойда 78 доллар эвазига ўзининг MIJIA Smart DC Variable Frequency Standing Fan номли янги вентиляторини тақдим этди, деб хабар беради IXBT.

Вентиляторнинг ўзига хос жиҳатларидан бири 29 метр куб/дақиқа қуввати ёрдамида бутун уй бўйлаб ҳавони айлантириш имкониятига эгалигида. Шунингдек, у кенг бурчак остида парраклари ўрнатилган каллагини автоматик режимда айлантира олади. Қолган функциялари қаторидан ҳарорат, намлик ва ҳавонинг қанчалик чуқур айланаётганини ўлчашни ўз ичига олган.

Xiaomi MIJIA Smart DC Variable Frequency Standing Fan вентилятори сониясига 6,5 метрли уюрмали ҳаво оқимини ҳосил қилади, узатиш масофаси эса 16 метрга етади — бу ўз навбатида ҳавонинг уй бўйлаб яши айланишини таъминлайди.

Бундан ташқари, вентилятор горизонтал ўқ бўйлаб 150 даражага бурилади ва 90 даражага эгила олади. Вентилятор ўчирилганида унинг каллак қисми дастлабки ҳолатига қайтади.

Шунингдек, вентилятор ҳарорат ва намликни ўлчашга қодир юқори аниқликка эга датчик билан жиҳозланган. Интеллектуал ва уйқу режимида у ишлаш тезлиги ҳамда атроф-муҳит шароитидан келиб ҳавони пуркаш интенсивлигини танлай олади.

Xiaomi’нинг мазкур «ақлли» қурилмаси уйдаги бошқа ускуналар, жумладан, кондиционер, намлантиргич, иситиш тизимлари билан алоқа ўрната олади. Эълон қилинган суратларга кўра, у симсиз ишлайди, бироқ аккумулятор сиғими ва бир марта қувватланиш орқали қанча вақт ишлай олиши ҳақида маълумот йўқ.

Бундан олдин Xiaomi катталиги мултиваркадек келадиган кир ювиш машинасини сотувга чиқаргани тўғрисида хабар берилганди.