«Бавария» Пеп Гвардиола давридан кейинги энг ёмон натижасини такрорлади

«Бавария» Германия чемпионатининг 32-турида «Майнц»га имкониятни бой бериб қўйди (1:3).

Бу мюнхенликлар учун Бундеслига жорий мавсумидаги бешинчи мағлубият бўлди. Аввалроқ Юлиан Нагелсманн шогирдлари «Айнтрахт» (1:2), «Аугсбург» (1:2), «Боруссия М» (1:2) ва «Бохум»га (2:4) енгилганди.

«Бавария» бунга қадар лигада кетма-кет тўққизта ўйинда ютқазмаганди (7 ғалаба, 2 дуранг).

«Бавария»нинг бир мавсум давомида беш марта мағлубиятга учраши сўнгги бор 7 йил аввал қайд этилганди. 2014/15 йилги мавсумда Пеп Гвардиола қўл остидаги жамоа шундай натижа қайд этган.

«Бавария»да жорий мавсум яна иккита ўйин қолмоқда: «Штутгарт» ва «Вольфсбург»га қарши.

Эслатиб ўтамиз, «Бавария» ўтган турда чемпионлик масаласини муддатидан аввал ҳал қилиб қўйганди.