«Трабзонспор» 38 йил деганда илк бор Туркия чемпионига айланди

«Трабзонспор» Туркия чемпионатининг 35-турида «Анталяспор» билан дуранг ўйнади (2:2) ва муддатидан аввал чемпионлик масаласини ҳал қилди.

Мавсум якунланишига уч тур қолганда трабзонликлар 77 очко билан пешқадамлик қилмоқда. Иккинчи ўриндаги «Фенербаҳче»да 68 очко мавжуд.

Шу тариқа «Трабзонспор» 1984 йилдан бери илк бор мамлакат чемпионлигини қўлга киритди. Бунга қадар жамоа олти марта (1976, 1977, 1979, 1980 ва 1981 йиллар) лига ғолиблигини қўлга киритганди.

35-тур доирасидаги ўйин якунлангач, трабзонлик мухлислар майдонга чиқиб кетди ва чемпионликни футболчилар билан бирга нишонлади.

2009/10 йилги мавсумдан кейин илк бор Туркия бош соврини Истанбул клубига насиб этмади. 12 йил аввал «Бурсаспор» чемпионга айланганди. Ундан аввалги Истанбулдан бўлмаган чемпион эса айнан «Трабзонспор» эди.

Туркия Суперлигасида етти мартадан кўп чемпион бўлган жамоалар: «Галатасарой» (22), «Фенербаҳче» (19) ва «Бешиктош» (16).