“Bavariya” Germaniya chempionatining 32-turida “Mayns”ga imkoniyatni boy berib qo‘ydi (1:3).
Bu myunxenliklar uchun Bundesliga joriy mavsumidagi beshinchi mag‘lubiyat bo‘ldi. Avvalroq Yulian Nagelsmann shogirdlari “Ayntraxt” (1:2), “Augsburg” (1:2), “Borussiya M” (1:2) va “Boxum”ga (2:4) yengilgandi.
“Bavariya” bunga qadar ligada ketma-ket to‘qqizta o‘yinda yutqazmagandi (7 g‘alaba, 2 durang).
“Bavariya”ning bir mavsum davomida besh marta mag‘lubiyatga uchrashi so‘nggi bor 7 yil avval qayd etilgandi. 2014/15-yilgi mavsumda Pep Gvardiola qo‘l ostidagi jamoa shunday natija qayd etgan.
“Bavariya”da joriy mavsum yana ikkita o‘yin qolmoqda: “Shtutgart” va “Volfsburg”ga qarshi.
Eslatib o‘tamiz, “Bavariya” o‘tgan turda chempionlik masalasini muddatidan avval hal qilib qo‘ygandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)